Rydym ni wir eisiau clywed eich barn ac ateb unrhyw gwestiynau sydd gennych chi ynghylch ein cynnig i newid y ffin. 

Rydym ni eisoes wedi gwrando arnoch chi ac wedi ymestyn y cyfnod ymgysylltu, a fydd bellach yn dod i ben ar 31 Gorffennaf, yn lle 3 Gorffennaf. 

Cynhaliom ni sesiwn ymgysylltu yn Llyfrgell Y Rhyl y bore yma, gan ateb cwestiynau a chael trafodaethau gyda chleifion ynghylch y newid arfaethedig i'r ffin. 

Roedd Rheolwr Practis Healthy Prestatyn Iach, Joe Lunn; Shaf Mohideen, Rheolwr Gweithrediadau yng Nghanolfan Feddygol Lakeside; Gwyn Hughes, Rheolwr Practis, ac Ali Ellis, Rheolwr Busnes, y ddau yng Nghanolfan Feddygol Clarence, Y Rhyl, i gyd yn bresennol i dawelu meddyliau cleifion a chymryd adborth. 

Roedd Cyfarwyddwr Cyswllt Gofal Sylfaenol a Chymunedol Canolog IHC BIPBC, Alison Kemp, yn arwain y drafodaeth. 

Ond rydym ni eisiau gwneud mwy o hyn. Bydd sesiwn galw heibio ym Meddygfa Rhuddlan rhwng 12-5pm ddydd Gwener yma, Mehefin 26. Dewch draw i sgwrsio â ni, gofynnwch gwestiynau i ni neu rhowch eich barn i ni ar y syniad. 

Fel arall, bydd sesiwn galw heibio yn Nhrelogan ddydd Iau nesaf. Byddwn yn rhoi rhagor o fanylion i chi am hyn mewn postiad ar wahân. 

Os ydych chi'n rhedeg grŵp neu gymdeithas ac eisiau i ni siarad ag unrhyw aelodau a allai gael eu heffeithio gan y newidiadau arfaethedig, cysylltwch â ni a byddwn yn ceisio eich darparu.